ნიდერლანდებში უძველესი ეკლესია ჩოგბურთის კორტად გადაკეთდა

წმინდა იოსების ეკლესია დახურულ სპორტულ დარბაზად გადაკეთდა. ფოტო: Sport Knowhow XL

2025 წლის ოქტომბერში გავრცელდა ინფორმაცია, რომ ნიდერლანდების ქალაქ არნემში მდებარე უძველესი წმინდა იოსების ეკლესია დახურულ პადელის კორტად გადაკეთდა — ჩოგბურთი, რომელიც სწრაფად იძენს პოპულარობას ევროპაში. ამის შესახებ ჰოლანდიურმა გამოცემა Sport Knowhow XL-მა განაცხადა.

ახალმა პროექტმა, სახელწოდებით „წმინდა პადელი“, ადგილობრივ მაცხოვრებლებში არაერთგვაროვანი რეაქცია გამოიწვია. ბევრმა ეკლესიის სახელის შეცვლა და კორტად გამოყენება ღვთისმგმობად მიიჩნია.

პროექტი მეწარმე როლანდ ვერჰის ინიციატივით დაიწყო, რომელმაც ადრე კიდევ ერთი ეკლესია CrossFit-ის სპორტდარბაზად გადააკეთა. მან განმარტა, რომ შენობა თითქმის ოცი წლის განმავლობაში ცარიელი იყო და გადაწყვიტა, „ახალი სიცოცხლე შთაბეროს მას“.

თუმცა, კრიტიკოსები თვლიან, რომ წმინდა სივრცე სპორტის საფარქვეშ კომერციალიზებულია. სოციალურ მედიაში მომხმარებლები წერენ, რომ „ეკლესია სპორტულ ატრაქციონად გადაკეთდა“ და თავად სახელწოდებას „ Holy Padel“ „რწმენის დაცინვას“ უწოდებენ.

ოფიციალურ ვებსაიტზე, holypadel.nl-ზე, პროექტის შემქმნელები რეკლამირებენ „უნიკალურ პადელის გამოცდილებას ისტორიულ ეკლესიაში“ და კორტების ონლაინ გაქირავებას სთავაზობენ. ორგანიზატორები ხაზს უსვამენ, რომ შენობამ „შეინარჩუნა წარსულის ატმოსფერო“, თუმცა მისი ყოფილი დანიშნულებიდან მხოლოდ კედლებია შემორჩენილი.

„სივრცის შემოქმედებითი გადააზრების“ მტკიცების მიუხედავად, „ Holy Padel“ ისტორიამ ნიდერლანდებში ხელახლა გააღვივა დებატები ყოფილი ეკლესიების გამოყენების დასაშვები საზღვრების შესახებ. ბევრი თვლის, რომ ეკლესიების ბარებად, რესტორნებად და სპორტულ მოედნებად გადაკეთება ევროპაში სულიერი კრიზისის ნიშანია.

მართლმადიდებელ ჟურნალისტთა კავშირმა გაავრცელა ინფორმაცია, რომ კვიპროსის ოკუპირებულ ნაწილში უძველესი ეკლესია კაფე-ბარად გადაკეთდა.